17 سال بعد سوات کا سیدو شریف ایئرپورٹ پروازوں کے لیے بحال ہوگیا۔ ایئرپورٹ پر قومی ایئر لائن کی پہلی  پرواز لینڈ کرگئی۔

سوات ایئرپورٹ پر پاکستان انٹرنیشنل ایئرلائن (پی آئی اے) کی پرواز پی کے 650 اسلام آباد سے سوات لینڈ کرگئی۔

پرواز میں وزیراعلیٰ خیبرپختونخوا محمود خان، وفاقی وزیر مراد سعید اور وزیر ہوا بازی غلام سرور بھی تھے۔

وزیراعلیٰ خیبرپختونخوا محمود خان نے سوات پہنچ کر گرین پاکستان وژن کے تحت پودا بھی لگایا۔

ابتدائی طور پر اسلام آباد سے سوات کے لیے ہفتے میں 2 دن پروازیں چلائی جائیں گی۔

اسلام آباد سے سوات کی فلائٹس کراچی اور لاہور سے  آنے والی فلائٹس کے ساتھ کنکٹ ہوں گی۔

Previous articleپاکستان میں دہشتگردی کے خلاف فوجی مشق میں بھارت کے شامل نہ ہونے کا امکان
Next articleپاکستان کا 34 رکنی اسکواڈ جنوبی افریقہ روانہ