اسلام آباد: نیشنل الیکٹرک پاور ریگولیٹری اتھارٹی (نیپرا) نے کہا ہے کہ وہ مارچ میں استعمال ہونے والی بجلی کے لیے ماہانہ فیول لاگت ایڈجسٹمنٹ کی وجہ سے بجلی کے نرخوں میں فی یونٹ 68-63 پیسے کمی کرے گا۔ ایڈجسٹمنٹ سے بجلی صارفین کو اس مہینے میں 5 ارب 40 کروڑ روپے کا ریلیف ملے گا۔
ماہانہ فیول ایڈجسٹمنٹ کے بارے میں نیپرا کے چیئرمین توصیف ایچ فاروقی کی زیرصدارت عوامی سماعت میں سینٹرل پاور پرچیزنگ ایجنسی (سی پی پی اے) اور نیشنل پاور کنٹرول سینٹر(این پی سی سی) کو نظام میں سستی اور موثر صلاحیت کے باوجود مہنگے بجلی پاور پلانٹ کو استعمال کرنے پر 12 ماہ سے تنقید کا نشانہ ہے۔
چیئرمین نیپرا نے کہا کہ سی پی پی اے کو اس نظام کا آپریٹر ہونے کی وجہ سے غیر معاشی صلاحیت کے استعمال کے خلاف دفاع کی پہلی لائن کا کام کرنا چاہیے تھا۔
انہوں نے کہا کہ ایسی صورتحال میں سی پی پی اے کے لیے آزاد نظام اور مارکیٹ آپریٹر (آئی ایس ایم او) بننا ایک چیلنج بن سکتا ہے۔
انہوں نے کہا کہ نیپرا کی ٹیم کی جانب سے جن کمزوریوں کو اجاگر کیا جارہا ہے ان کی نشاندہی سی پی پی اے کو بجلی کے نظام کے متولی کی حیثیت سے کی جانی چاہئے۔
انہوں نے سی پی پی اے کو ہدایت کی کہ ایف سی اے کے وقت بجلی چھوڑنے کے احکامات کے معاشی تجزیے کے ساتھ اپنے ماضی کے وعدوں کا احترام کرے۔
نیپرا کے عملے نے بتایا کہ اکنامک میرٹ آرڈر (ای ایم او) سے انحراف کے لیے تقریباً 67 کروڑ 70 لاکھ روپے اضافی لاگت کا دعوی کیا گیا ہے۔
انہوں نے بتایا کہ اس میں مارچ 2021 کے دوران اوسطا آر ایل این جی کے مختص رقم کے حساب سے 2 کروڑ 20 لاکھ روپے شامل تھے جو 600 ایم ایم سی ایف ڈی کے مطالبہ کے خلاف 466 ایم ایم سی ایف ڈی تھا۔
این پی سی سی کے دعوے پر 45 کروڑ 70 لاکھ روپے کی مزید رقم کی اطلاع دی گئی تھی جو یاد دہانیوں کے باوجود متعلقہ اعداد و شمار سے مطابقت نہیں رکھتی۔
بتایا گیا ہے کہ بجلی کمپنیوں نے ایف سی اے میں 63 پیسے کی کمی کا مطالبہ کیا تھا جو ای ایم او خلاف ورزیوں کے خلاف ایڈجسٹ کرنے پر فی یونٹ 68 پیسے فی یونٹ کمی ہونی چاہیے۔
نیپرا کے چیئرمین نے کہا کہ جمعہ تک این پی سی سی اور سی پی پی اے کے فراہم کردہ ثبوتوں پر منحصر ہے کہ ٹیرف میں کٹوتی فی یونٹ 63 سے 68 پیسے ہوگی۔
انہوں نے کہا کہ ہوسکتا ہے کہ 15 ماہ کے بعد ایندھن پر مبنی ٹیرف کم ہو رہا ہو۔
ریگولیٹر کی منظوری پر ایندھن کی کم لاگت کو مئی کے آئندہ بلنگ مہینے میں صارفین کے بلوں میں ایڈجسٹ کیا جائے گا۔
