سعودی عرب نے چینی ویکسین سائنو فارم اور سائنو ویک لگوانے والے مسافروں کے ملک میں داخل ہونے کی پابندی ختم کرنے کا اعلان کیا ہےتاہم ان مسافروں کیلئے امریکی یا برطانوی ویکسین کی ایک ڈوز لگوانا ضروری ہوگا۔

سعودی وزارت خارجہ کی جانب سے جاری بیان میں کہا گیا ہے کہ ایسے مسافروں کے لیے لازمی ہو گا کہ وہ سائنو فارم یا سائنو ویک ویکسین کے دونوں ٹیکے لگوانے کے باوجود سعودیہ آنے سے قبل فائزر، ایسٹرا زینیکا، میڈرنا یا جانسن اینڈ جانسن کی ویکسین کی بوسٹر ڈوز لگوائیں۔

سعودی عرب کی ڈرگ ریگولیٹری اتھارٹی نے اب تک صرف فائزر، ایسٹرا زینیکا، میڈورنا اور جانسن اینڈ جانسن کی کورونا ویکسین کی منظوری دی ہے اور تاحال چین کی تیار کردہ ویکسین میں سے کسی بھی ایک کو منظور نہیں کیا گیا اس لیے چینی ویکسین لگوانے والوں کے ملک میں داخلے پر پابندی تھی۔

Previous articleایل این جی ٹینڈرز کا ڈیٹا ویب سائٹ پر دیا جائے گا، حماد اظہر
Next articleصبح اطلاع ملی تھی حلف اٹھانا ہے، وزیراعظم آزاد کشمیر