پاکستان کرکٹ ٹیم سے نظر انداز کیے جانے والے فاسٹ بولر محمد عباس نے کاؤنٹی کرکٹ میں شاندار بولنگ کی ہے۔

کرکٹر محمد عباس نے ہیمپشائر کی جانب سے مڈل سیکس کے خلاف میچ میں 9 وکٹیں حاصل کیں، انہوں نے پہلی اننگز میں ہیٹ ٹرک سمیت چھ وکٹیں لیں محمد عباس کی بولنگ کی بدولت ہیمپشائر نے 249رنز سے کامیابی حاصل کی۔

محمد عباس کا کہنا ہے کہ کاؤنٹی کرکٹ میں سیزن کا آغاز اچھا ہوا ہے خوشی ہے کہ پہلے دو میچز میں کامیابی ملی ہے، میری کوشش یہی ہے کہ کاؤنٹی کرکٹ کھیل کر رِدھم حاصل کروں۔

انہوں نے کہا کہ لمبی بولنگ کر کے اپنا اعتماد بحال کرنا چاہتا ہوں اعتماد اور ردھم کے ساتھ ایک بار پھر ملک کے لیے کچھ کرنا چاہتا ہوں۔

محمد عباس نے کہا کہ میں اپنے ورک لوڈ کو بھی سیٹ کر رہا ہوں ٹارگٹ یہی ہے کہ ٹیم میں واپس آنا ہے جب بھی موقع دیا گیا تو ملک کے لیے کھیلنا چاہوں گا۔

انہوں نے بتایا کہ پہلے میچ میں لیسٹر شائر میں بہت سردی تھی کنڈیشنز کی وجہ سے مشکل ہوئی جبکہ ساؤتھمپٹن میں کنڈیشنز اچھی تھیں جس کا بھرپور فائدہ اٹھایا، ریورس سوئنگ کے لیے زور لگانا پڑتا ہے اس سے ردھم میں آنے کا موقع مل رہا ہے۔

 

Previous articleڈاکٹرز نسخے پر دوا کا نام لکھنے کے بجائے فارمولا لکھنے کے پابند، نوٹیفکیشن جاری
Next articleجبل النور ثقافتی مرکز اسی سال زائرین کیلئے کھلے گا